അനർഹ പ്രണയം

ചിലരുടെ പ്രണയങ്ങൾ ഇങ്ങനെയാണ്, അവരെ സ്നേഹിച്ചവരെ അവർ കാണില്ല, അവരെ അർഹിക്കാത്ത ആളുകളുടെ പ്രണയമാവാൻ അവർ കഷ്ടപ്പെടുന്നു. ഒരിക്കൽ അവർ അതിൽ നിന്ന് പുറത്താക്കപ്പെടുമ്പോൾ ആയിരിക്കും പണ്ട് അവരെ സ്നേഹിച്ചവരെ അവർ കണ്ടുമുട്ടുന്നത്. കാലം കഴിഞ്ഞെങ്കിലും അവർ ഇപ്പോളും അവരെ സ്നേഹിക്കുന്നുണ്ടാവും.

അനർഹമായ ചില്ലയിൽ
പടർന്ന പ്രണയമേ
നിന്നെയർഹിച്ച
ചില്ലയേ നീ മറന്നുവോ???

നീ മറന്ന ചില്ലകൾ
നിന്നെ സ്നേഹിക്കുവാൻ
പ്രാപ്തമെന്നറിഞ്ഞത്
ഇത്ര വൈകിയോ???

അന്യമാ മരത്തിലെ
ചില്ലയിൽ പടരുവാൻ
നീയെടുത്ത നോവുകൾ
നീ മറന്നുവോ???

നീ മറന്നുവെങ്കിലും
നിന്നെ മോഹിക്കുന്നൊരാ
ചില്ലയെ മരത്തിലിന്ന്
നീ കണ്ടുവോ???

നീയിതെത്ര പോകിലും
നിന്നെ സ്നേഹിച്ചയാ
ചില്ലകൾ നിനക്ക്
തണൽ നൽകിടുന്നുവോ???

(ജെറിൻ ❤️) 




Popular posts from this blog

അരളി പൂക്കൾ അഴുകുമ്പോൾ (1)

രാവിലെ അഞ്ചര മണി ആയി, എണീറ്റ് പള്ളിയിൽ പോകാൻ റെഡി ആവണ്ടെ എന്ന് അമ്മ പറയുന്നു. ഇന്ന് എന്താ പതിവില്ലാതെ പള്ളിയിൽ പോക്ക് എന്ന് ആലോചിച്ച് ഞാൻ കിടന്നു. ഓ ഇന്ന് എനിക്ക് 20 വയസ് തികഞ്ഞു. എൻ്റെ പിറന്നാൾ ആഘോഷം ആയിരുന്നു രാത്രി പന്ത്രണ്ട് മണിക്ക്. എല്ലാം വലിയ സർപ്രൈസ് ആയിരുന്നു. ഉറങ്ങി കിടന്ന എന്നെ ചേച്ചി വന്നു വിളിച്ച് എണീപ്പിച്ചു. മൊബൈൽ വെളിച്ചത്തിൽ നേരെ ഹാളിലേക്ക് കൊണ്ടുപോയി. അവിടെ ചെന്നപ്പോൾ പൊടുന്നനെ ലൈറ്റുകൾ തെളിയുന്നു. ഈ പിറന്നാളിന് ഒക്കെ പൊട്ടിക്കുന്ന ഒരു സാധനം ഉണ്ടല്ലോ, അത് പൊട്ടുന്നു, ആരൊക്കെയോ ഹാപ്പി ബർത്ത്ഡേ ടൂ യൂ എന്ന് പാടുന്നു. ഉറക്കച്ചടവിൽ ഒന്നും കാണുന്നുമില്ല. പതിയെ കണ്ണ് തിരുമ്മി നോക്കുമ്പോൾ മുന്നിൽ വല്യപ്പച്ചനും അമ്മച്ചിയും ചാച്ചനും  അമ്മയും ഒക്കെ ഉണ്ട്. പിന്നെ അമ്മയുടെ അനിയത്തിയും ഭർത്താവും കുട്ടികളും. പാട്ട് പാടി തീർന്നു. ഇനി തിരി ഊതി കെടുത്തി കേക്ക് മുറിക്കണം, എനിക്ക് ഇഷ്ടപ്പെട്ട റെഡ് വെൽവെറ്റ് കേക്ക് തന്നെ ചേച്ചി വാങ്ങി വെച്ചു. ഇതൊക്കെ എപ്പോൾ വാങ്ങിയോ ആവോ. അയ്യേ ഇതിൻ്റെ അടുത്ത് ആരാ ഫ്ലവർ വെയ്സിൽ അരളിപ്പൂ വെച്ചിരിക്കുന്നത്. എനിക്ക് അതിൻ്റെ മണം ഇഷ്ടമല്ല. സാരമില്ല. കുട്ടികൾ ആര
Read more

അരളിപ്പൂക്കൾ അഴുകുമ്പോൾ (2)

എന്തോ പൊടിയുന്ന ശബ്ദം കേട്ട് ആണ് ഞാൻ നോക്കുന്നത്. വേറെ ഒന്നുമല്ല. എൻ്റെ മൃതദേഹം വച്ചിരുന്ന മോർച്ചറിയുടെ വാതിൽ തുറക്കുന്ന ശബ്ദം ആണ്. വാതിലിന് ചുറ്റും അടിഞ്ഞു കൂടിയ ഐസ് പൊടിയുന്ന ശബ്ദം. ആരോ ഒരാൾ എന്നെ കിടത്തിയ ട്രേയ് വലിച്ച് പുറത്തേക്ക് എടുത്തു. ചുറ്റും ആരൊക്കെയോ ഉണ്ട്, ആരൊക്കെയോ നെടുവീർപ്പിടുന്നു. ആരാണെന്ന് കാണാൻ പറ്റുന്നില്ല. കണ്ണിനു ചുറ്റും ഐസ് മൂടി ഇരിക്കുകയാണ്. കുറെ ആളുകൾ ചേർന്ന് എന്നെ മോർച്ചറി ട്രേയിൽ നിന്നും എടുത്ത് വേറെ ഒരു ട്രോളിയിൽ വെച്ചു. ആർക്കെങ്കിലും കാണണം എങ്കിൽ കയറി വാ എന്ന് ആരോ പറഞ്ഞപ്പോൾ കുറെ ആളുകൾ ആ വലിയ മുറിയിലേക്ക് വന്നു. ഞാൻ ഐസ് മൂടിയ കണ്ണുകൾ കൊണ്ട് പ്രയാസപ്പെട്ടു നോക്കി, എൻ്റെ കോളേജിലെ പ്രിൻസിപ്പാളും ടീച്ചേഴ്സും ആണ്. അവർ എൻ്റെ ചുറ്റും കൂടി നിന്നു.  എപ്പോളും ഗൗരവത്തിൽ നടക്കുന്ന പ്രിൻസിപ്പാൾ എൻ്റെ തലയിൽ കൈ വെച്ച് കണ്ണ് നിറഞ്ഞു നിൽക്കുന്നു. എന്നെ എന്നും വഴക്ക് പറയുന്ന നിർമല ടീച്ചർ വായ സാരി കൊണ്ട് മൂടി കരയുന്നു. കൂടെ ഉള്ള എല്ലാവരും അങ്ങനെ തന്നെ. ഒത്തിരി ലേറ്റ് ആവണ്ട, നമുക്ക് താലൂക്ക് ആശുപത്രിയിലേക്ക് പോകാം എന്ന് ആരോ പറഞ്ഞു. ഇനി അവിടെ പോകുന്നത് എന്തിനാണാവോ എന്ന് ഞാൻ ആലോച
Read more

സ്നേഹം

ഡൈനിങ് ടേബിളിൽ വിളമ്പി വെച്ച ചോറിൽ വിരലോടിച്ചുകൊണ്ട് സ്നേഹ അവനെ ആലോചിച്ചിരിക്കുകയായിരുന്നു. രണ്ടുവർഷമായി പ്രണയത്തിലായിരുന്നവർ, അവൻ നാളെ ദുബായിക്ക് പോവുകയാണ്. ഇനി രണ്ടുവർഷം കഴിഞ്ഞേ വരൂ. യാത്ര അയക്കാൻ പോകാൻ പറ്റില്ല, പക്ഷെ എനിക്കവനെ കണ്ടേ തീരൂ. ഇന്ന് വീട്ടിൽ വല്യമ്മച്ചി മാത്രമേ ഉള്ളു, ബന്ധുവിന്റെ കല്യാണത്തിന് പോയ പപ്പയും മമ്മിയും നാളെ വൈകിട്ടോടെയേ വരൂ. വല്യമ്മച്ചി മാത്രമാണ് എന്റെ പ്രണയത്തിന് സപ്പോർട്ട് തന്നത്. അമ്മച്ചിയോട് പറഞ്ഞിട്ട് രാത്രിയിൽ വീട്ടിലെ കാറുമായി പോയി അവനെ കണ്ടിട്ടുവരാം. പക്ഷെ അങ്ങോട്ടുമിങ്ങോട്ടും കൂടി 150 കിലോമീറ്റർ ദൂരം ഉണ്ട്. വാഗമണ്ണിലെ മൊട്ടക്കുന്നുകൾക്കിടയിലൂടെ വേണം പോകാൻ. നട്ടുച്ചയ്ക്ക് പോലും വഴിയിൽ കോടമഞ്ഞ് ആയിരിക്കും. അപ്പോൾ പിന്നെ രാത്രിയിലെ കാര്യം പറയണോ. എന്തായാലും പോവുക തന്നെ. അവൾ ചോറു മുഴുവൻ വേഗം കഴിച്ചു തീർത്തു. അമ്മച്ചിയോട് കാര്യം പറഞ്ഞു. ആദ്യം ഒന്നും സമ്മതിച്ചില്ല. രാത്രി പത്തുമണിക്ക് ഒരു പെണ്ണിനെ പുറത്ത് വിടാൻ ഉള്ള പേടി അമ്മച്ചിയുടെ മുഖത്ത് കാണാം, അമ്മച്ചി ഒന്നുറങ്ങി എഴുന്നേൽക്കുമ്പോൾ ഞാനിവിടെ എത്തിക്കോളം എന്ന എന്റെ ഉറപ്പിലും രാത്രി യാത്ര ഞാൻ ഒരുപാട് നടത്തി
Read more